Build Your Own VPN

TheLaPyaeTheLaPyae
Tips & Tricks
Build Your Own VPN

LightNode တွင် Outline VPN ထည့်သွင်းနည်း

VPN server ဆိုတာ အလကားသုံးတိုင်း ကောင်းတာမဟုတ်ဘူးဗျ။ အထူးသဖြင့် ကိုယ့်ရဲ့ အချက်အလက်တွေက တန်ဖိုးရှိတဲ့အခါမှာဆိုရင် free vpn တွေကို မသုံးသင့်ဘူး။ သူတို့က အနဲဆုံး ကိုယ်သွားကြည့်ထားတဲ့ website တွေကိုသိနိုင်သလို အများဆုံး ကြားထဲကနေ ကိုယ်တင်လိုက်တဲ့ပုံတွေ ကိုယ့် email ထဲက attachment တွေကို ကြားကနေယူထားတာမျိုးထိလုပ်နိုင်တယ်။ ဒါကြောင့်ဒီနေ့မှာတော့ ကျနော်ကိုယ်တိုင်အသုံးပြုနေတဲ့ LightNode instance မှာ Outline VPN ထည့်သွင်းပြီး အသုံးပြုနည်းကိုပြောပြသွားမှာပါ။ ကျနော်အနေနဲ့တော့ ကိုယ်ပိုင် VPN server တစ်ခုကို သုံးတာက အကောင်းဆုံးနည်းလမ်းပဲလို့မြင်တယ်။ ကျွန်တော်ကတော့ LightNode ကို ရွေးချယ်ဖြစ်တာက သူတို့ဆီမှာ ဘန်ကောက် (Bangkok) က location ရလို့ပါ။ ကျွန်တော့်အတွက်တော့ latency နည်းပြီး မြန်နှုန်းကောင်းကောင်းတာအပြင် monatization ပွင့်ဖို့လဲပိုအဆင်ပြေတယ်။ ဒီ short guide လေးကတော့ LightNode VPS မှာ Outline VPN ထောင်ဖို့အတွက် ဘာတွေလိုလဲ၊ ဘယ်လိုထည့်သွင်းရမလဲ၊ သိထားသင့်တာလေးတွေ အဆင့်ဆင့် ပြောပြပေးသွားမှာပါ။

Outline VPN နဲ့ LightNode ကို နားလည်ထားရအောင်

Outline VPN ဆိုတာ Google လက်အောက်ခံ Jigsaw ကနေ ဖန်တီးထားတဲ့ open-source VPN solution တစ်ခုပေါ့။ ကိုယ့်ဘာသာကိုယ် VPN server ထောင်ပြီး စီမံခန့်ခွဲလို့ရတာက သူ့ရဲ့ အားသာချက်ပဲ။ တခြား VPN service တွေနဲ့မတူတာက Outline က ကိုယ့်ရဲ့ infrastructure ကို ကိုယ်တိုင် ထိန်းချုပ်ခွင့်ပေးလို့ ပိတ်ဖို့ခက်ခဲသလို သုံးစွဲသူတွေကို လုံလုံခြုံခြုံ စီမံခန့်ခွဲရတာ ပိုလွယ်တယ်။ Outline မှာ အဓိက အစိတ်အပိုင်း နှစ်ခုရှိတယ်: Outline Server (ဒါကိုတော့ ကိုယ့်ရဲ့ VPS မှာ ထည့်ရမယ်) နဲ့ Outline Manager (ဒါကတော့ ကိုယ့် server နဲ့ သုံးစွဲသူတွေကို စီမံခန့်ခွဲဖို့ desktop app လေးပေါ့)။

LightNode ကတော့ ကမ္ဘာလုံးဆိုင်ရာ VPS (Virtual Private Server) hosting ဝန်ဆောင်မှုပေးနေတဲ့ provider တစ်ခုပါ။ flexible ဖြစ်တယ်၊ လိုသလိုချဲ့လို့ရတယ်၊ ဈေးနှုန်းလည်း သင့်တင့်တဲ့ cloud computing service တွေ ပေးတယ်။ သူတို့ရဲ့ VPS တွေက VPN server တွေလိုမျိုး ပေါ့ပေါ့ပါးပါး အသုံးပြုဖို့အတွက် သင့်တော်ပြီး ကမ္ဘာအနှံ့ နေရာစုံမှာ ရရှိနိုင်တယ်။

ကြိုတင်ပြင်ဆင်စရာလေးတွေ

မစခင်မှာ အောက်ပါအချက်လေးတွေ ပြင်ဆင်ထားဖို့ လိုပါမယ်။

  • LightNode VPS instance တစ်ခု ရှိရပါမယ်။ Ubuntu 18.04, 20.04, ဒါမှမဟုတ် 22.04 လိုမျိုး Linux distribution တစ်ခုခုတင်ထားဖို့ အကြံပြုချင်ပါတယ်။
  • VPS ကို root ဒါမှမဟုတ် sudo access ရှိရပါမယ်။
  • VPS ကို ချိတ်ဆက်ဖို့ SSH client တစ်ခု (Windows ဆို PuTTY, macOS/Linux ဆို Terminal) ရှိရပါမယ်။
  • Outline Manager ကို run ဖို့ ကိုယ့်ရဲ့ local computer (Windows, macOS, ဒါမှမဟုတ် Linux) တစ်ခု ရှိရပါမယ်။ Outline VPN က hardware ပေါ်မှာ ပေါ့ပေါ့ပါးပါး run ဖို့ ဒီဇိုင်းထုတ်ထားတာပါ။ ယေဘူယျအားဖြင့်တော့ 1 vCPU, 1 GB RAM, နဲ့ 10 GB storage လောက်ရှိတဲ့ VPS တစ်ခုက ကိုယ်ပိုင် သုံးဖို့အတွက် လုံလောက်ပါတယ်။

LightNode ဝယ်ယူရန်

LightNode က သုံးသလောက်ပေး အနေနဲ့ သုံးလို့ရတာလေးကိုသဘောကျတယ် ကျနော်ကိုယ်တိုင်တော့ တစ်လကို အများဆုံး $7.8 လောက်ထိပဲကျတယ်။ တစ်ခါတည်း ငွေအများကြီး ထည့်ဖို့ မလိုဘူး တစ်ခါထည့် $10 လောက်ဆို အေးဆေး သုံးလို့ရတယ် ။

https://www.lightnode.com/?inviteCode=PMWBKF&promoteWay=LINK ဒီ link ကိုအသုံးပြု ပြီးဝယ်ယူနိုင်ပါတယ်။

တစ်ဆင့်ချင်းစီ ထည့်သွင်းနည်းလမ်းညွှန်

1. ကိုယ့်ရဲ့ LightNode VPS ကို ချိတ်ဆက်မယ်

SSH client ကိုသုံးပြီး ကိုယ့် LightNode VPS ကို ချိတ်ဆက်လိုက်ပါ။

Bash

ssh root@your-lightnode-ip

2. System ကို Update လုပ်မယ်

System packages တွေကို update လုပ်တာက အကောင်းဆုံး လုပ်ဆောင်မှုပါ။

Bash

sudo apt update && sudo apt upgrade -y

3. Docker ထည့်သွင်းမယ်

Outline VPN က သူ့ရဲ့ server component တွေကို run ဖို့ Docker ကို အားကိုးတယ်။ Docker ကို တရားဝင် script ကိုသုံးပြီး ထည့်သွင်းလိုက်ပါ။

Bash

curl -sS https://get.docker.com/ | sh

Docker service ကို စတင်ပြီး enable လုပ်လိုက်ပါ။

Bash

sudo systemctl start docker
sudo systemctl enable docker

4. Outline Server ကို ထည့်သွင်းမယ်

Jigsaw က ပေးထားတဲ့ တရားဝင် Outline ထည့်သွင်းရေး script ကို run လိုက်ပါ။

Bash

sudo bash -c "$(wget -qO- https://raw.githubusercontent.com/Jigsaw-Code/outline-server/master/src/server_manager/install_scripts/install_server.sh)"

ဒီ script က ဘာတွေလုပ်ပေးမလဲဆိုတော့:

  • Outline Server Docker image ကို download လုပ်ပြီး ထည့်သွင်းပေးမယ်။
  • Server ကို configure လုပ်ပေးမယ်။
  • Outline Manager နဲ့ ကိုယ့် server ကို စီမံခန့်ခွဲဖို့ access key (URL) တစ်ခု ထုတ်ပေးလိမ့်မယ်။

5. Outline Manager ကို တည်ဆောက်မယ်

ကိုယ့်ရဲ့ local computer မှာ https://getoutline.org ကနေ Outline Manager ကို download လုပ်ပြီး ထည့်သွင်းလိုက်ပါ။

Outline Manager ကို ဖွင့်ပြီး "Set up Outline anywhere" ကို ရွေးလိုက်ပါ။ server ထည့်သွင်းပြီးနောက် ရလာတဲ့ access key (URL) ကို paste လုပ်လိုက်ရုံပဲ။ ဒါဆိုရင် ကိုယ့် Outline Manager က LightNode VPS နဲ့ ချိတ်ဆက်သွားလိမ့်မယ်။

6. Client တွေအတွက် Access Key တွေ ဖန်တီးမယ်

Outline Manager ထဲမှာ ကိုယ့် VPN ကို ချိတ်ဆက်မယ့် device တွေအတွက် access key တွေ ဖန်တီးပြီး စီမံခန့်ခွဲလို့ရပြီ။ key တစ်ခုစီကို သုံးမယ့်သူ ဒါမှမဟုတ် device တစ်ခုချင်းစီနဲ့ မျှဝေလို့ရပါတယ်။

7. Outline Client ကို ထည့်သွင်းမယ်

ကိုယ့် VPN ကို ချိတ်ဆက်ချင်တဲ့ device တိုင်းမှာ Outline Client (Windows, macOS, Linux, Android, နဲ့ iOS အတွက် ရနိုင်တယ်) ကို ထည့်သွင်းလိုက်ပါ။ Outline Manager ကပေးတဲ့ access key ကိုသုံးပြီး client ကို ကိုယ့် server နဲ့ ချိတ်ဆက်လိုက်ရုံပါပဲ။

သိထားသင့်တဲ့ အချက်အလက်လေးတွေ

  • Firewall Settings: ကိုယ့်ရဲ့ LightNode VPS firewall က Outline သုံးတဲ့ port တွေကို inbound connection ဝင်ခွင့်ပြုထားရဲ့လားဆိုတာ စစ်ဆေးပါ။ (default က TCP/UDP 443 ဖြစ်ပေမယ့် ထည့်သွင်းစဉ်က စိတ်ကြိုက်ပြင်ဆင်လို့ရတယ်)။
  • Resource Usage: Outline VPN က ပေါ့ပေါ့ပါးပါးလေးမို့ VPS configuration သိပ်မလိုပေမယ့် traffic များလာတာ၊ သုံးစွဲသူများလာတာဆိုရင်တော့ resource ပိုလိုနိုင်တယ်။
  • Security: လုံခြုံရေးအတွက် ကိုယ့် server နဲ့ Docker ကို ပုံမှန် update လုပ်ဖို့ မမေ့နဲ့နော်။

အသေးစိတ် ထပ်သိချင်တာ ဒါမှမဟုတ် ပြဿနာ တစ်ခုခုတက်လို့ ဖြေရှင်းနည်းရှာချင်တယ်ဆိုရင်တော့ တရားဝင် Outline documentation ဖြစ်တဲ့ https://getoutline.org ကို သွားကြည့်နိုင်ပါတယ်။